| 唉，又係咁，不斷比壓力自己，然之後咩實際野都冇做過。
Present殺到了，未做過，淨係睇過一篇reading。
Exam時間出左，考四科，過半notes冇睇過，唔通我以為我復活節真係會溫書咩？
堂就走左一半，就算有上都冇聽書，死定了。
夾band，忽然好有進度，但係太有進度，一個月內，要錄歌＆練show。已經半年冇夾過，我pick up唔到，自知係最差最唔掂既一個，但係我真係好懶，好似冇進步過咁。年半喇，都係一舊飯。
灰灰地，沉沉地，煩煩地。
|
| |
| ‧可能我真的變了
‧沒想過所計劃的事，真的在逐步實現
‧承諾，對我來說實在很重要
‧我知道我沒有忘記過，也不敢
‧曾經很多事令我分心了，我也以為自己心意改變
‧原來，沒有，我，只有一件事
‧我，只有一件事
‧我要敬拜你
|
| |
| 感謝主今年帶我到「熱帶棄船」當中。
係事奉中可以認識到來自不同地方既基督徒既機會，一直十分渴望。
真係好開心可以認識到你地每一個。
搞笑既係，原來係佈道會籌委會入面，我升職好快 =P
一心只係希望可以搞好個佈道會，一心只係希望可以同大家一齊經歷神。
只要願意付出，真係可以經歷到好多。
一開始，我對自己既認真，都有點驚訝。
我竟然搵返晒D minutes來睇，嘗試去catch up返所有事。
我心入面知道，我真係好渴望為神做呢件事。
(雖然我唔知呢個係咪神既心意)
其實當初只係希望來music team玩下，估唔到應承左做audio，原來係咁多野做！
原來要跟music team練習(咦?)，又要跟drama team練習(下!?)，仲要睇埋panel(…)。
然後不知不覺之間，我被副主席看上了(!?)。
我與某東東經常互呻，互相卸膊，最後我竟然… 要幫佢頂埋SM個位(搞錯)。
好彩，搵左Justin來靠害！(我太聰明了)
過程中，真係好開心有你地。
原來女人，真係咁易混熟(你睇下drama team班女仔)。
原來男人，真係可以欠下咁多情債(呀Kel，幾時還呀？)。
原來粉腸，真係可以斬件、切件同埋差電。
原來抽水，真係可以隔住張台來抽。
係事奉既工作上面，亦都見到自己原來幾硬崩崩。
一有點認真、緊張既時候，就好容易有脾氣。
我都知我得罪唔少人架喇，亦都知道自己殺左好多次人。
我諗工作上既待人處事，我仲有好多學習既地方。
不得不提既，一定係蘇哥既事啦。
其實來搞佈道會，一方面係真心想為神工作；
另一方面亦都係想係事奉當中為自己尋找答案。
感謝我在這事上得著了要尋求的答案。
坦白說，我到佈道會前一日，對大家既感覺仍然係失望的。
一方面係工作上啦(e.g. 遲到)，另一方面係心態上，其實我好唔開心。
正如立基所講，其實係架，我由始至終都忽視左佈道會中接收到信息既人。
相反，我只係看重一班籌委係佈道會中既參與同埋經歷。
我覺得自己見唔到大家對神既心，容讓神係音樂上、話劇上既參與。
我真係好擔心。
但感恩，係8/7既晚上，我係大家身上、佈道會既流程之中都見到神既恩典。
知道嘉賓來唔到，有即時既應對，仍然開口唱詩歌敬拜。
我知道神與我們在一起。
各組既努力預備，結果讓一切係父既手中完成。
很感恩，我地真係完成左。
去到最後，清場既時候，見到大家既行為，真係有Ｄ嬲。
直至所有事都解決了，心裡有一點既不忿，但最後都沒了。
因為我覺得，呢個係一個中學生既佈道會。
或者讓大家學習、成長既機會，比一個成功令人信主既結果更有意思。
到左今日去開Ｅ會，心入面沒有任何抱怨，也沒有憤怒。
我知道我係佈道會中，學會了好好既一課。
我從未試過對一個人付出咁多既愛、咁多耐性、咁多包容。
縱使係嬲，但仍然願意去相信、去等待，佢會改變、佢會進步。
我知道我今天，有等候神去工作的信心。
感謝主。
|
| |
| 給自己一年時間。
下年，我要準備好自己，進一步實現自己對神的承諾。
我要更努力去裝備自己、提升自己，為夢想跨進一步。
I promise, to be a worshiper.
|
| |
